Hau nia moris

Ola belun sira hotu, imi diak ka lae! Espera katak ita hotu diak ho Maromak nia bensaun.

Bemvindu mai hau nia website dahuluk nian ho Titulu "HA'U NIA MORIS" 

Lucas Acha

nebe sei iha informasaun badak konaba hau nia moris ne, ka hau atu hateten deit katak website simples ne sei relata oituan konaba hau nia kurikulu moris nian.

Hau nia pasadu hanorin hau buat barak, tamba iha pasadu hau hetan esperiensia lubuk ida. Esperiensia mak estudo ida nebe perfeitu tebes, maske iha estudu refere ita hasoru buat midar no iha mos buat meer! Tamba sa mak hau bolu esperiensia hanesan estudo ida? Dalabarak ema dehan estudo lolos mak ida nebe ita koko no sente kedas, so esperiensia mak ida nebe ita kaer ho liman no hare ho matan hodi senti estudo lolos. Nune esperiensia hanesan bukae ida nebe ita sei lori iha ita nia moris tomak. Ita iha esperiensia nebe mak la hanesan, haksolok tamba hau bele hetan buat nebe ema lahetan, mesmuke ida nebe ema hetan ne mos la siknifika ita hetan. Mai hau, vida nebe mak hau halao ne perfeitu tebes, hau haksolok ho buat hirak nebe hau infrenta iha hau nia pasadu.
Historia ida-idak ho nia tempu, no tempo ida-idak mos ho nia historia. Tempu nebe hau hetan hodi marka historia lubuk ida sai hanesan hau nia pasadu, no historia nebe hau sei marka iha tempu nebe sei mai mak hau nia futuro. Klaru katak moris laos ba pasadu mas ba futuru, maibe futuru aprende barak liu husi pasadu.

Ida ne mak hau nia Historia.
Importante liu laos hakerek historia, maibe halo historia.